REALLY 無聊~~

無無聊聊再一DAY，今日都無消息，究竟我要等到幾時呢?

擒晚睇左套"父子"，知道郭富城同吳景滔都攞獎，所以對佢都幾大寄望，點知睇完都唔明邊到會攞獎?? 戲中各人都努力用著馬國口音去說話，可惜除左配角許茹雲, 同秦海璐, 林熙蕾O的口音似之外, 幾個主角口音都唔清唔楚，吳都好O的, 但係都係有o的abc口音，郭同楊簡直好似讀稿咁，有時廣東話咁有哂尾音，有時特登無左個尾音, 同加個"女"字(等於錢), 唔掂~~! 而郭除左對女角的床戲同話個仔個幾場戲ok之外，其他都無咩特別要令佢可以攞獎，而有時個細路俾阿爸話個時, 成日覺得佢係唔明對方講咩咁(可能係我第一形象知道佢係用英文做母語)，而喊戲好似要等一等先出, 唔係幾夠自然。所以如果覺得ok既, 就係個劇本同導演都幾好。不過真係令我有些失望。

以上為本人意見，不代表每人想法一樣。 謝謝~~

Happy~

上星期五晚跟gela去大會堂"聽及睇"左一個陳輝陽既音樂會，之前自己從未接觸過，但睇完後覺得幾有驚喜，呢個音樂會的內容是"女人"，而陳輝陽自己就作了12首音樂，給12個不同的人，每人都要去拍一段關於女人的短片; 就在音樂會上，當每播一段片，陳就會現場演奏那首音樂，有幾首有人伴唱同配音， 係...係"配音"(講野個隻, 仲要係李香琴tim)，有幾段短片配上音樂真的很令人感動，但有幾段自己就覺得比較悶，但總括而言對我真係好新鮮。

而星期六下午就去上第一堂kick-boxing，真係跳到我死左，出左成身汗，仲好似即刻瘦左，開心死。

而擒日晨早就同sin sin去左早日祟拜，仲聽埋個講座，真係令我心情放鬆不少，因為我知神永遠與我同在，將一切交託給祂就是了。而下晝就同ice﹑felix, long去睇左"dreamgirls", 真係比我預期中好睇好多，原本無期望好睇變左睇完都唔捨得走，今日終於忍唔住買埋隻soundtrack，哈哈....無野做仲用咁多錢，真係犯賤。都要快快搵到工啦!

Ocean Park~~

24/2 終於去左海洋公園啦~! 差不多10年無去，有o的野變左，而有o的亦好似10年都無變咁。可能人大左，所以對機動遊戲興趣已經不大，反而想睇o的靜態o的既野。我最鍾意就係海獅同海豚，佢地真係好聰明同埋好得意架，所以我都跟朋友約定下次去一定要book同佢地近距離接觸呢!!! 同埋集古村同企鵝已經無左啦~~相片如下(人像反而少~):

Holiday~

擒日去左阿婆到拜年，用新相機影左好多相，真開心。就share一兩張啦~

今日睇左本2005年既雜誌，先知道之前去ovo interview死係邊啦~原來上次second-in我o個個係director呀, 緊係衰o係答錯問題啦~~係有o的失望既, 不過無法啦~~再接再勵吧。

My Children, hahaha.....

Today i bring my new camera to school, and shot the photo with the children, they're really cute ne~~hahaha.......

So upsad~~

再聽到佢既電話, 再一次收到佢既壞消息, 點解? 點解每一次都要俾o的咁既消息我? 好唔開心~~ 點解咁大個人都唔識去照顧自己? 點解每次都係因為錢? 點解你工作上由我細個到我大個都無好過? 由細到大都得唔到你既關心? 你有無諗過我地既生活係點架? 你好耐都無俾個家用個屋企, 係媽咪靠佢做兼職捱到我出來做野, 而家個家係我, 家姐同媽咪一手一腳組成, 點解你以為可以講一句, 我地就會咩都俾你? 太天真啦! 好嬲點解你可以無動於衷, 係我面前講好多既承諾, 而你完全都做唔到。好失望, 真係好失望~~完全對你不信任了, 你擒晚講左好多我唔知信唔信好既原因, 你再一次令我哭了, 數唔到哭左幾多次了~~好激氣, 真係好激氣。今次你問我同家姐借錢?? 我地何得何能可以借俾你? 你既原因是真的嗎? 可以信你嗎? 借唔到你會點呢? 我成日都諗, 到你老左, 係咪會變到去拾垃圾﹑攞綜緩? 每一次我會哭到我的頭都痛了~~你可以真的明白嗎?

Waiting~

擒日剛剛睇完"生日快樂"，有點沉悶, o的人話淡淡地幾好睇, 但我就覺得淡過頭，太小說feel。 可能自己無經歷過所以覺得主角有o的戇居，"比好朋友更好o既朋友?!" 即係咩意思呢? 個女主角成鬼日都唔肯接受個男主角, 到頭來個男主角話結婚(雖然係大話)，個女主角既歇斯底理，都覺得佢自己攞o來衰，哈哈....我真係無咩同情心。
而學校個到，信已經遞左，新年假前一日就係last day，要再過搵工既生活啦~~真係煩! 下星期有interview，不過唔知得唔得呢?